ഇവള് മൊണാലിസ
മരണത്തിനു നിറവും മണവും ചാലിച്ച് അതിനെ സുന്ദരിയാക്കിയാല് എങ്ങനെയിരിക്കും !! വിഷാദം പൂത്ത കണ്ണുകളും കവിള്ത്തടങ്ങളും , ചുണ്ടില് വിരിയുന്ന മോഹമഞ്ഞയും ഒരു മോണാലിസ ചിത്രത്തിന്റെ രൂപ ലാവണ്യത്തോടെ കാണുമ്പോള് *************** ************* മഞ്ഞപ്പൂക്കള് മാത്രം വിരിയുന്ന പൂന്തോട്ടമായിരുന്നു അവളുടേത് . കൊഴിഞ്ഞു വീണ പൂക്കളെല്ലാം പെറുക്കി അവള് കൂടയിലാക്കി . മഞ്ഞ കടലാസുപൂക്കള് ചെടിയിലിരുന്ന തിത്തിരിപ്പക്ഷി ചോദിച്ചു ; ‘ ‘ എന്തിനാ നിനക്കീ പൂക്കളെല്ലാം ! ,മരണത്തിന്റെ മണമാണല്ലോ അവയ്ക്കെല്ലാം..... !? ‘’ അവള് പൂക്കുട മാറോടണച്ചു.കുനിഞ്ഞു മുഖം അതില് പൂഴ്ത്തി ആഞ്ഞു ശ്വസിച്ചു .പിന്നെ ഓരോ പൂവും എടുത്ത് ചുംബിച്ചു . വിഷാദം പൂത്ത കവിളില് ചുണ്ടില് വിരിഞ്ഞ മോഹമഞ്ഞയുമായി മുഖം കുനിച്ച് ,കൊഴിഞ്ഞു പാറി വീഴും പൂക്കള്ക്കിടയിലൂടെ ,മഞ്ഞ വിരിച്ച തണലിലൂടെ , വര്ണ്ണങ്ങള് ഒളിപ്പിച്ച ചിറകുമായ് അവള് പാറി പാറി...
