സ്നേഹപൂർവ്വം സ്നേഹിത

ജി കവിതകളും നാടും! ഭാരതീയസാഹിത്യത്തിൽ മലയാളത്തിന്റെ പെരുമ ആദ്യമായ് എഴുതിച്ചേർത്ത മഹാകവി ജി    യുടെ രചനകളിലൂടെയും ജന്മനാടുമായുള്ള  ആത്മബന്ധവും അൻവേഷണാത്മകമായി തയ്യാറാക്കിയ കുറിപ്പ് ആണിത് . കാലത്തിനു മുൻപേ നടക്കാനറിയുന്നവർ ,ക്രാന്തദർശികൾ ആണു കവികൾ എന്നു പറയാറുണ്ട് . ജീവിതത്തിന്റെ ഉൽകൃഷ്ടതകളെ അവർ  തനിക്കു ചുറ്റുനിന്നും നമ്മെ കാണിച്ചു തരുന്നു  . അതിന്റെ ഉദാത്തമായ ഉദാഹരണമാണു മഹാകവി ജി തന്റെ കൃതികളിലൂടെ എടുത്തുകാട്ടുന്നത് . " വിളഞ്ഞപാടം " എന്ന കവിതയിൽ വിളഞ്ഞു തല കുമ്പിട്ടു നിൽക്കുന്ന നെൽച്ചെടിയെ കാണിച്ച് തന്ന്, സ്വാർത്ഥനും അഹംഭാവിയുമായ മനുഷ്യനെ ഉണ്മയുടെ ,വിനയത്തിന്റെ അല്ലെങ്കിൽ " വിദ്യയേറുമ്പോൾ വിനയമേറുമോ ' !!? അല്ലെങ്കിൽ " താഴ്ന്ന നിലത്തേ നീരോടൂ " എന്ന മണ്മറഞ്ഞ കാരണവന്മാരുടെ വാമൊഴികളെ കുറച്ചുകൂടെ വ്യക്തമായി മനസ്സിലാക്കി തരുകയാണോ അവിടെയാ കുമ്പിടൽ എന്ന് സംശയിച്ചുപോകും...എന്നാൽ  " തലപോലുമഹോ പരാർത്ഥമായി - ചെലവാക്കാൻ മടിയില്ലാത്ത സാധു നെല്ലേ , തവ ചേവടിയിൽ കുനിഞ്ഞിടട്ടെ പടുവാം സ്വാർത്ഥപരായണൻ മനുഷ്യൻ ! " ( വിളഞ്ഞ പാടം മഹാകവി ജി   ) എന്ന് തലപോ...

ധന്യമാവട്ടെ മലയാളം ! ============== സൂര്യകാന്തിയുടെ  മുഗ്ദ്ധമാം  സ്നേഹത്തെ പാടിപ്പുകഴ്ത്തി സ്നേഹഗായകനാവുന്ന മഹാകവി , വിശ്വദർശനത്തിൽ ഭാവഗായകനായ് , കേവലമൊരു സോപാനഗായകനായ് വിശ്വഭഗവാന്റെ ഗോപുരവാതിക്കൽ കൈകൂപ്പി വണങ്ങി നിൽക്കുന്നു . ശുദ്ധവും സത്യവുമായ ഉൾക്കാഴ്ച്ച പകർന്നു  തരുന്ന മഹാകവി ജി ശങ്കരക്കുറുപ്പ് 1901 ജൂൺ മൂന്നിനു എറണാാകുളം ജില്ലയിൽ അങ്കമാലി നായത്തോട് ഗ്രാമത്തിൽ ജനിച്ചു 1978 ഫെബ്രുവരി 2 നു കാലയവനികക്കുള്ളിൽ മറയുന്നു.  .മഹാകവിക്ക്  ജന്മനാട്ടിൽ ഉചിതമായ സ്മാരകം വേണം / ഗവേഷണ കേന്ദ്രമായും /സാംസ്ക്കാരിക കേന്ദ്രമായും ഈ ജന്മഗൃഹമന്ദിരം   ഉയർത്തപ്പെടണം എന്ന സ്വപ്നസാക്ഷാൽക്കാര പദ്ധതിയെ ഈ കൈരളിക്കു മുന്നിൽ സമർപ്പിക്കുകയാണു . ഭാഷാപിതാവിനു സ്വന്തം മണ്ണിൽ സ്മാരകം വേണമെന്ന ആശയം പങ്കുവച്ച മഹാകവി ജി .  അദ്ദേഹത്തിന്റെ ആ സ്വപ്നം ഇന്ന് തുഞ്ചൻപറമ്പിൽ മലയാള സർവ്വകലാശാല എന്ന തലത്തിൽ വരെ ഉയർത്തപ്പെട്ടു.  ! നമ്മൾ ശ്രേഷ്ഠ മലയാളത്തിന്റെ മക്കളായി .ഇന്ന് ഈ ഒരു സർവ്വകലാശാല പദവി പോലും ഇല്ലായിരുന്നെങ്കിൽ മലയാളഭാഷ  അനുദിനം എന്താവുമായിരുന്നു  ?!    ഇവ...

ഇത് ഉത്സവ തിരുവുത്സവ കാലം ! നായത്തോടിനു ഒരു പ്രത്യേകതയുണ്ട് ,പള്ളിപ്പെരുന്നാളുകളും ഉത്സവങ്ങളും എല്ലാം അടുത്തടുത്ത ദിവസ്സങ്ങളിലാണു കൊടികേറുന്നതും ഇറങ്ങുന്നതും ! ആകെ സന്തോഷത്തിന്റെ കാലം ! മകരമഞ്ഞ് തൂവുന്ന സംക്രാന്തിയിൽ  തിരുനായത്തോട്ടപ്പനു 10 ദിവസ്സം നീണ്ടു നിൽക്കുന്ന ഉത്സവക്കാലം .  പുരാത നവും ചരിത്രപരമായും ഒത്തിരി അടയാളപ്പെടുത്തലുകൾ ഉള്ളതും വളരെ സവിശേഷതകൾ നിറഞ്ഞ പ്രതിഷ്ഠയും മറ്റു ക്ഷേത്രങ്ങളിൽ നിന്ന് തിരുനായത്തോട് ക്ഷേത്രത്തിനെ വേറിട്ടു നിറുത്തുന്നു. ശിവനും വിഷ്ണുവും ഒരുമിച്ച് ഒരു പീഠത്തിൽ ഇരിക്കുന്നു എന്ന അപൂർവത ! ചേരമാൻപെരുമാളിന്റെ കാലഘട്ടം എന്നുപറയുമ്പോൾ 16 - ആം നൂറ്റാണ്ടിൽ പണികഴിപ്പിച്ചത് എന്നാണു ഐതിഹ്യം ! നായത്തോട് എന്ന സ്ഥലനാമത്തിനും കാരണഭൂതമാവുന്നതും ഈ ഐതിഹ്യം തന്നെയാണു . ചേരമാൻ പെരുമാൾ  ഇസ്ലാം മതം സ്വീകരിച്ച് നാടു വിടുന്നതും മറ്റും ചരിത്രം !  എന്നാൽ അതിനു മുമ്പ് അദ്ദേഹത്തിനു യതിവര്യൻ എന്നൊരു ഗുരുവുണ്ടായിരുന്നെന്നും ,ഗുരു തന്റ്റെ ശിഷ്യനു സമാധി സമയത്ത് കൊടുത്ത വാക്ക്  നിറവേറ്റുന്നതിനുമായാണു,  ഗുരുവിന്റെ പുനർജ്ജന്മമായി വന്ന  നായയെ പിന്നി...

മനോയാനം :-  ശ്രീജ വാര്യർ  വായന :- മായ ബാലകൃഷ്ണൻ  നെയ്യപ്പം തിന്നാൽ രണ്ടുണ്ട് കാര്യം ! മനോയാനം കിട്ടി . പുതു പുസ്തകമെടുത്ത് ആദ്യമേ തന്നെ  തെരു തെരേ പേജുകൾ മറിച്ച് പുതുമണം ആവാഹിച്ചു, . പേജുകൾക്കിടയിൽ കാണുന്ന കവിതാശകലങ്ങളിൽ തന്നെ ആദ്യം കണ്ണുടക്കി...കൊള്ളാം ,സാധാരണയിൽ നിന്നും വ്യത്യസ്താമായ ശൈലീകൃതമായ രചനയെന്ന് ആദ്യം തന്നെ മനസ്സിൽ കുറിച്ചിട്ടു . കവിയത്രിയുടെ നോവൽ എന്നു പറയുമ്പോൾ പ്രത്യേക ആകാംക്ഷയുണ്ടായിരുന്നു. . വീണ്ടും  വരികൾക്കിടയിലൂടെ നൂണ്ടു മനസ്സിന്റെ കാണാപ്പുറങ്ങളിലൂടെ കടന്നു  സഞ്ചാരം തുടങ്ങുമ്പോഴേ മുന കൂർപ്പിച്ച് വായനയും തുടങ്ങി.  മനോയാനം !  " ഉണ്മയിൽ നിന്നും ഉണ്മയിലേക്കുള്ള  കൂടുമാറ്റമാണു  മരണം ! .ഒരിടത്ത് ഇരുട്ടാകുന്നത് മറ്റൊരിടത്ത് വെളിച്ചമാകുന്നു .   ഒരു സ്വപ്നത്തിലെന്ന പോലെ ഏതാനും വരികൾ നമ്മെ കൈപിടിച്ചു    ്കൊണ്ടുപോകുന്നു.!  65 പേജുകളിൽ ചുരുണ്ട് കൂടിയിരിക്കുന്ന ജന്മ ജന്മാന്തരങ്ങളുടെ ഇടവഴികളിൽ വഴിയറിയാതെ എങ്ങോട്ടോ പിടിച്ചു വലിച്ചു കൊണ്ടുപോകുന്ന നിമിഷാർധങ്ങളുടെ ഇടവേളയിലൂടെ നിവർന്നുവരുന്ന  ഇതിവ...

ഭിന്ന ശേഷി അവകാശ ദിനം   പറക്കും തളികയിൽ അവകാശ സംരക്ഷണം നേടിയെടുക്കാൻ ഒരുങ്ങുന്ന ചങ്ക്സ് നു ഒരു ബിഗ് സല്യൂട്ട് ....! ******** ****  ! ആധാരം ( ആധാർ കാർഡ്) ഇല്ലാത്ത നിരാധാരയാണ് ഞാനും ! അതിന്റെ പേരിൽ ഡിസെബിലിറ്റി പെൻഷൻ പോലും അർഹതപ്പെട്ടവർക്ക് നിഷേധിക്കുന്ന നാട്...!!!   എത്രയൊക്കെ ഈ നാട് പുരോഗമിച്ചു എന്ന് പറയുന്നുണ്ടെങ്കിലും   സർക്കാർ സേവനങ്ങളും ആനുകൂല്യങ്ങളും ഇന്നും വിദൂരത്താണ് ,കാരണം മറ്റൊന്നുമല്ലാ ഞങ്ങളുടെ പരിമിതികൾ തന്നെ ...സേവന മേഖല എന്നൊക്കെ പറയുമെങ്കിലും ഇന്നും  എന്തിനും ഏതിനും സർക്കാർ ഓഫീസ് വാതിലുകൾ തോറും കൈ നിട്ടി നടക്കണം ! പ്രാഥമികാവശ്യങ്ങൾ  തൊട്ട് എന്തിനും   സ്വന്തം കുടുംബത്തെ  താങ്ങും തൂണും ആയി ,ആശ്രയിക്കുമ്പോൾ സമൂഹത്തിൽ എന്നും ഇത്തരം കുടുംബം  ഒരു കൈ സഹായത്തിനു പോലും ആളില്ലാതെ വീർപ്പു മുട്ടാറുണ്ട് . ഇതിനിടയിൽ കിട്ടുന്ന ആനുകൂല്യങ്ങൾ അവകാശങ്ങൾ ഇതിനെല്ലാം വേണ്ടി കഷ്ടപ്പെട്ട് ചുറ്റിത്തിരിയുമ്പോൾ ഇവിടെ എന്ത് സേവനമാണു നടക്കുന്നത് !?   പത്തറുപതാണ്ട് കഴിഞ്ഞപ്പോൾ ചെറിയ ചില മാറ്റങ്ങൾ ഉണ്ടായിട്ടുണ്ട് . ഈ അടുത്ത കാലത്തു വരെ...

  Happy birthday  Home of Hope ! =======  ====== ജനുവരി 9   പ്രത്യാശയുടെ ഭവനത്തിനു ഇന്ന് 5 വയസ്സ് തികയുന്നു.. അർജ്ജുനാ നീ 'യോഗി'യാവുക എന്നാണു ഭഗവാനും പറഞ്ഞിരിക്കുന്നത്.യോഗിയാവണമെങ്കിൽ' ത്യാഗി 'യാവണം.! ഞാൻ എന്നും എന്റേതു എന്നുമുള്ള ചിന്തകൾ വെടിയണം... ലോകം അറിയുന്ന  ഏറ്റവും വലിയ ത്യാഗിയാണു യേശുക്രിസ്തു !  ആ ക്രിസ്തുദേവന്റെ പാത പിന്തുടർന്ന് , തന്റെ ജോലിയും  സമ്പത്തും , സേവനവും  എല്ലാം എല്ലാവർക്കുമായി , അതായത്  ആവശ്യക്കാരിൽ എത്തിക്കാൻ ജീവിതം തന്നെ  സമർപ്പിച്ചിരിക്കുന്ന  Dr Jerry Joseph ന്റെ മഹത്തായ ആശയമാണു 5 വർഷം മുൻപ് Home Of Hope എന്ന പേരിൽ തൃശ്ശൂർ പുതുക്കാട് ആസ്ഥനാമയി  ഒരു ട്രസ്റ്റ് ആയി  പ്രവർത്തനം തുടങ്ങുന്നത് .  ട്രസ്റ്റിനു കീഴിൽ പെയ്ൻ & ആന്റ് പാലിയേറ്റീവ് ക്ലിനിക്ക് , റേഡിയേഷനും കീമോയും കഴിഞ്ഞ് എത്തുന്ന രോഗികൾക്ക് തുടർചികിത്സ , അത്തരം രോഗികളുടേയും കുടുംബത്തിന്റേയൂം മാനസിക ആരോഗ്യം ,അവരുടെ  കുട്ടികളുടേ പഠനം , ഇത്യാദി സാന്ത്വനചികിത്സാ രംഗത്തെ എല്ലാ അർത്ഥത്തിലും അറിഞ്ഞും അവർക്കൊപ്പം നിന്നും സഹാ...

 കടവുളേ.......!! 😊😂 നീന്തലറിയോന്ന് ഒരു സുഹൃത്ത് എന്നോട്....!  ഹൊ !   അല്ലാ ഈ വാൽമാക്രിയെ നീന്തൽ പഠിപ്പിക്കണോന്ന് ചോദിക്കാനാ തോന്നിയേ...... ഉഭയ ജീവികളെപ്പോലെയാ ഞങ്ങൾ ഈ കുളത്തിനു ചുറ്റുവട്ടത്തും വീടുള്ളവർ എന്ന് അവർക്കറിയോ...   മുട്ടുകുത്തി നടന്ന് ഓടി നടക്കാറുവുമ്പോഴേക്കും കുളക്കരയിലെത്തും ! പിന്നെ എങ്ങനെ നടക്കാൻ പഠിച്ചോ അതുപോലെ  തന്നെ ഒരു ക്രിയ .അത്രേയുള്ളൂ ഇതൊക്കെ .... എന്നെ സംബന്ധിച്ച് വീട്ടിൽ കുറച്ച് നിയന്ത്രണ ങ്ങളൊക്കെയുണ്ടായിരുന്നതു കൊണ്ട് ആദ്യമൊക്കെ എത്തിപ്പെടാൻ കുറച്ചു കഷ്ടപ്പെട്ടു. .അച്ഛൻ     വീട്ടിലുണ്ടെങ്കിൽ വിടില്ലാ.... ഉറപ്പ് .  പിന്നെ അച്ഛൻ വീട്ടിൽ ഇല്ലാത്ത തരം നോക്കി അമ്മയുടെ കയ്യും കാലും പിടിച്ചാണു ആദ്യമൊക്കെ  അടുത്ത വീട്ടിലെ കൂട്ടുകാരൊത്ത് കുളത്തിൽ പോകുന്നത് .  വെള്ളത്തിൽ ഇറങ്ങില്ലാ ,കുളം കാണാനാ ,അവരുടെ കളിയും കുളിയും കണ്ട് അനങ്ങാതെ ഇരിക്കുള്ളൂ , അങ്ങനെ നിബന്ധനകൾ ഓരോന്നും വച്ചാണു കുളം പിടിക്കുന്നത്. വാപ്പാലശേരി പോകുന്ന പാടത്തേക്ക് ഇറങ്ങുന്ന വഴിയിലെ വടക്കു ഭാഗത്തെ   ഏറ്റവും ആഴം കുറവുള്ള   നിറയെ പാറ...