സ്നേഹപൂർവ്വം സ്നേഹിത

കൊന്നപൂത്ത നാളുകളിൽ...കോരിച്ചൊരിയുന്ന മഴയിൽ .....!  പോക്കുവെയിൽ പൊന്നൊരുക്കും  ത്രിസന്ധ്യകളിൽ  കുടഞ്ഞിട്ട ഒരുവട്ടി  കൊന്നപ്പൂക്കളായി , കന്നിമണ്ണിൻ ഗന്ധമുണർത്തി  ഓർമ്മകൾ ഉലാവുകയാണ് .......!!!     മോഹങ്ങൾ വർണ്ണക്കുടചൂടിയ പെരുമഴയത്ത്,നിലംമുട്ടും പാവാടത്തുമ്പ്‌  തെല്ലൊതുക്കി , നിറഞ്ഞൊഴുകുന്ന മഴവെള്ളത്തെ ഭേദിച്ച്  നടന്നകലുമ്പോൾ ....... തന്നെത്താൻ അഭിമാനം തോന്നിയ നിമിഷങ്ങൾ ...!  എന്റെ പ്രണയം അതെനിക്ക് എന്നോട് തന്നെ !!  എന്റെ് ബാല്യകൌമാരങ്ങളോട് .....  ! പാതിവഴിയിൽ ഉപേക്ഷിച്ചിട്ടുപോയ തുളസ്സിക്കതിർ ചൂടി മഷിയെഴുതിയ  നിറയൗവനത്തോട് .....!  ഇനി ഇതേതാ ‘’രാഗം‘’ എന്നൊന്നും തല പുകയ്ക്കണ്ട ട്ടോ ....... ഇതാണ് മായാമാളവ ഗൗള രാഗം !!!  മായ ബാലകൃഷ്ണൻ