കവിത !നിശ്ചലം നിമിഷ രഥം !

-


നിശ്ചലം നിമിഷ രഥം ......
💥💥💥💥💥💥💥💥💥💥 

 ഏറെ നാളായില്ല ,താതൻ പോയതിൽ പിന്നെയാ
 കാക്ക കറുമ്പനെ കാണുവതെനിക്കേറെയിഷ്ടം .

 അടുക്കള മുറ്റത്തു കൊത്തിപ്പറിക്കു -
വാനെത്തും കാകനിലും ഞാൻ തിരയുന്നു ,
ചാഞ്ഞും ചെരിഞ്ഞും നോക്കുവ -
തെന്നച്ഛനാകിലോ !.എന്നെയാകിലോ !?

 ഉച്ചനേരങ്ങളിലോ യൊറ്റയ്ക്കാവുമെൻ
ചാരെ; മരക്കൊമ്പിൽ വന്നുച്ചത്തിലുരയും 
കാറിക്കരച്ചിലെനിക്കു സാന്ത്വന
മോതുവാനെത്തുമെന്നച്ഛനോ !
ദർഭമോതിരമണിഞ്ഞ്  
എള്ളും പൂവും തൂകിയൊരുരുള
 യച്ഛനായ് നീക്കി വയ്ക്കിലും 
ബലിതർപ്പണത്തിനെത്താ -
നെനിക്കായതില്ലാ, അച്ഛന്റെ 
യുള്ളം ഞാനറിയുന്നുവെന്നാ--
കിലും എൻ മനം തേങ്ങുവാനി -
ഷ്ടമില്ലാതച്ഛനും സാന്ത്വനമോ -
തുവാനെത്തുന്നുവോ ആ ഒറ്റമര
ക്കൊമ്പിലെന്നുമെന്നന്തികേ !
എന്തിനു വൃഥാ ചിന്തകൾ നാം അന്യരോ മകളേ 
ദേഹം വെടിഞ്ഞിട്ടു പോയതേതു കാലേ
നിയതിയുടെ യമങ്ങളിൽ ദേഹം പകുത്തു 
തന്നച്ഛനാകിലും പോകാതാവതുണ്ടോ! !?

 കർമ്മങ്ങളേറെ കനത്തു പതം വന്നൊരാ
പാഴ്ത്തണ്ടെന്തിനു വൃഥാ നുകം ചെലുത്തേണ്ടൂ 

 വന്നവർ വന്നവർ മുന്നിലേ തന്നിലേ
ഗന്ധങ്ങളും പൊഴിച്ചു  വർണ്ണങ്ങളും തൂകി 
നിറമാർന്ന രൂപവും രാഗവും 
കാഴ്ച്ച വച്ചിന്നൂഴിയിൽ വെറുമൊരു പാഴ്മുളം
ഭാണ്ഡമായ്   പോകതല്ലോ ! 
അക്കരെ കാഴ്ച്ചകൾക്കുമപ്പുറമൊരു ലോകം 
ജലച്ഛായ പോൽ കോരിയൊഴിച്ചു മേവുന്നു വിണ്ണിൽ.
മാനായ് മനുവായ് ഉടഞ്ഞു പോയൊരു
 ജലസ്തംഭം കണക്കിനേ .......

 തീരാത്ത കനവിന്റെ കൂട്ടിൽ ചേരാത്ത 
തീരവും കടലും പതഞ്ഞ് ഓർമ്മകളാ-
യോളപ്പരപ്പിൽ തിരകൂട്ടിയെത്തുന്നു .

 പിൻ വിളികളൊന്നും പതിയുന്നില്ല 
കാതിൽ, പഴുതേ സ്പർശങ്ങളും 
വാക്കുകളടർന്നുറയുന്ന മഹാമൗനം പുതച്ച -
ഗാധശാന്തം നിറയെഴും സാഗരമായ് 
സമയകാലഭേദമകന്നേ പോയ് നിശ്ചലം 
നിമിഷ രഥമേറി തീർത്ഥാടന വേളയിലാ - 
ണച്ഛനെന്നിന്നുമെൻ മനം പറയുന്നു ! 

 നിറയുന്ന മറയുന്ന ഓർമ്മയിലെന്നുൾപ്പൂവിൽ
അച്ഛന്റെ നേർ രേഖയാം വാൽസല്യം ഞാനറിയൂ .!

 സ്നേഹപൂർവ്വം സ്നേഹിത
മായ ബാലകൃഷ്ണൻ
മാർച്ച് 2016


Comments

Post a Comment

Popular posts from this blog

വാഴക്കുല യ്ക്ക് 80 വയസ്സ്

-
Image
  വാഴക്കുല ക്കു 80  വയസ്സ്  =============  ചങ്ങമ്പുഴ കാലഘട്ടത്തോട് കലഹിക്കുന്ന , അടിമ ഉടമ, ജന്മി കുടിയാൻ   സമ്പ്രദായവും ഉച്ചനീചത്വവും നിലനില്ക്കേ,വിശപ്പിനോട് പൊരുതിയ ഒരു സമൂഹവും പ്രതിപാദ്യമായ് 1937 ഇൽ  ചങ്ങമ്പുഴ രചിച്ച അതിപ്രശസ്തമായ വാഴക്കുല എന്ന കൃതി പിറന്നിട്ട് ഏതാണ്ട് 80 വർഷമാകുന്നു!  സമൂഹത്തിൽ ചലനങ്ങൾ സൃഷ്ടിക്കാൻ പോന്ന , ഒരു തലമുറയ്ക്കു മുഴുവനും വിപ്ലവോർജ്ജം പകർന്ന കവിതയാണു.ഇത്.  തോൽക്കുന്നവന്റെ, പുറംതള്ളപ്പെടുന്നവന്റെ  മനഃസാക്ഷിക്കൊപ്പം നിന്ന കവിത ,അതുകൊണ്ടുതന്നെ കാലത്തെ അതിജീവിക്കാൻ പോന്ന കവിതയായി ഇന്നും വാഴക്കുലയെ കാണാം!   ഭാഷയും ലളിതപദങ്ങളും അഞ്ചിക്കുഴഞ്ഞുലഞ്ഞാടി കാവ്യനർത്തകി ലയലാസ്യനൃത്തം വച്ച തൂലികയിൽ നിന്നും ആ സൗന്ദര്യം ഒട്ടുംചോരാതെയാണു കാലത്തോടു പൊരുതുന്ന ,വെല്ലുവിളിക്കുന്ന , വാഴക്കുല പോലൊരു കൃതി കവി രചിച്ചിരിക്കുന്നത്.  മരതകക്കൂമ്പു പൊടിച്ചുവന്ന പോലെയാണു മനതാരിലോരോരോ   ആശകൾ എന്നതിൽ  , ആ 'മരതകക്കൂമ്പു ' എന്നതു എത്ര സുന്ദരപദമാണു!!  സുന്ദരോപമയാണു ! മലയപ്പുലയന്റേയും കുടുംബത്തിന്റെയു...
Read more

കൃഷ്ണ കവിത

-
Image
                          എന്നും കാണുവാന്‍ .......... എന്നും കാണുവാന്‍ മോഹിക്കുന്നൊരു രൂപമുണ്ടെന്നിലുണ്ണിക്കണ്ണാ ..... മോദമോടുമാനന്ദമോടുമെന്‍ മനതാരിലെന്നും മിഴിപ്പൂ കണ്ണാ ........! ഗോപിക്കുറിയണിഞ്ഞും പൊന്നോടക്കുഴലൊന്നുമൂതി  മേടുകള്‍ തോറും പാടി നടന്നോരുണ്ണീ...! നെറുകയില്‍ തിരുകിയ മയില്‍പ്പീലിയോടും മാമ്പൂ മണക്കും കാര്‍ - മുകില്‍ ചേലോടും മഞ്ഞത്തിരുവാടയൊ- ന്നരയില്‍ വലിച്ചു ചുറ്റി പൊന്നരളിക്കാടും ചെന്തൊണ്ടിയും  തേനില വള്ളികളും , ഒന്നൊന്നോടു കെട്ടിപ്പിണഞ്ഞും കൂട്ടുകാരൊത്തു കെട്ടിമറിഞ്ഞും ബാല്യം നുണഞ്ഞോരുണ്ണീ.....! പൊന്‍   കതിര്‍ക്കുല   പോലെ കാറ്റോലും   കാമിനി പോലും കാളിന്ദിയാറ്റില്‍ കളിയാടും രാധിക പോല്‍ ; പൊന്‍ വസന്തം തളിര്‍ത്തു നീളെ നീളേ മേട്ടിലാകെ . പാല്‍ ചുരത്തി വെണ്ണിലാവൊപ്പം പാല്‍ക്കുടങ്ങള്‍ നിറച്ചൂ ധേനുവും. മാനോടും മാഞ്ചുവട്ടില്‍ പൂന്തേനും തേന്‍ കിളികളും   കളിയൂഞ്ഞാലില്‍ പൂപ്പന്തലു കെട്ടി കണ്ണനാമുണ്ണിക്കു ...
Read more

സൗഹൃദം ! സുകൃതം !!

-
Image
സൗഹൃദങ്ങള്‍ സുകൃതമാകണം ! ജീവിത അദ്ധ്യായത്തില്‍ നിന്ന് പറിച്ചെടുത്ത ഒരേടാണിത്  ! ഇന്നെനിക്ക്  ഒത്തിരി സൗഹൃദങ്ങള്‍ ഉണ്ട് . എങ്കിൽ തന്നെയും  എന്‍റെ ജീവിതത്തിന്‍റെ തന്നെ ഭാഗമായി ,ബാല്യ കൗമാര ,യൗവനങ്ങളെ പുണർന്ന് , സ്നേഹ ഗംഗയായി ഒഴുകിയ ഒരു  അസുലഭ സൗഹൃദത്തിനു ഭാഗ്യം സിദ്ധിച്ചവളാണു ഞാൻ ! ചില സൗഹൃദങ്ങള്‍ അങ്ങനെയാണ് .അവ മുറിഞ്ഞു പോകുന്നത് നമുക്ക് സങ്കല്‍പ്പിക്കാനേ കഴിയില്ല .തായ് വേരു പോലെ നമ്മെ പിടിച്ചു നിറുത്തുന്നവയായിരിക്കും .            നാലു വയസ്സില്‍ തുടങ്ങി   ഇന്നും അതിരുകളില്ലാതെ ,അതിര്‍വരമ്പുകളില്ലാതെ ഒഴുകുന്ന സൗഹൃദമാണ് ഞങ്ങളുടെത് . ആശാന്‍ പള്ളിക്കൂടത്തിലേക്ക് പാട വരമ്പിലൂടെ മുന്നില്‍ പിന്നില്‍ പോകുമ്പോള്‍  തിരിഞ്ഞു നോക്കി,തിരിഞ്ഞു നോക്കി  ചിരിച്ചു കാട്ടി , ആ വരമ്പില്‍ കുത്തിയിരുന്ന് ചെളി വെള്ളത്തില്‍ കയ്യിട്ടു പൊടി മീനുകളെ തപ്പിപിടിച്ച്‌, ആ മുറ്റത്തെ പച്ചപ്പുല്ലില്‍ തുള്ളിച്ചാടി, കൈമാറി തുടങ്ങിയ സൗഹൃദം , പിന്നീട് ,ആദ്യമായി ഒന്നാം ക്ലാസ്സ് മുറിയുടെ വാതിക്കല്‍ പരിഭ്രമിച്ച് നില്‍ക്കുമ്പോള്‍, കുട്ടികളുടെ ഇടയില്‍ നിന്നും ചി...
Read more