ഭഗവതി സ്തുതി ഗീതം !

-

ഗ്രാമലക്ഷ്മീ ! മധു ചന്ദ്രികേ !
  💥💥💥💥💥💥💥

  ദേവീ  ഭദ്രേ ! മംഗളസ്വരൂപണീ 
ആനന്ദ ദായിനീ ! പാലയ്ക്കാട്ടു കാവിലമ്മേ 

 നിറദീപങ്ങൾ മിഴിതെളിയ്ക്കുമാ -
സാന്ധ്യാരാധന വേളയിൽ 
സ്നേഹമാധുരി തൂകിയൊരു കുഞ്ഞു 
പെൺകിടാവായ് നീ   വന്നിതല്ലോ
കളഭകാന്തിയിൽ പുഞ്ചിരി പൂണ്ടു
നിർമ്മല ഗാത്രിയായ് അണിവൈര -
ക്കല്ലുകൾ ചാർത്തിയായന്തിമാന 
ചരുവിലാദിത്യൻ മറയവേ 
കളം നിറഞ്ഞെഴുത്തും പാട്ടും
വിളക്കുമായ് പ്രകൃതീശ്വരീ ! ജഗദീശ്വരീ !
നീ മുഖമണ്ഡപമണയൂ ദേവീ .!

 ചെമ്പട്ടും വാളും ചിലമ്പുമരമണി 
കാൽത്തള ചിഞ്ചിലത്തോടെ
ശ്രീകോവിൽ നടയിറങ്ങി വരൂ  ദേവീ
 ഭഗവതീ നായത്തോടിൻ ഗ്രാമലക്ഷ്മീ !

 പാടം നടവരമ്പുകൾ ഇടവഴി 
വീടുകൾ തോറും പറയും പറക്കോലുമായ്  
 മുറ്റത്തരിമാവിൻ കോലങ്ങളണിഞ്ഞു 
കാത്തിരുന്നതോർപ്പൂ ഞങ്ങളാക്കാലം .

 രാവിൻ തിരുവരങ്ങിലുഗ്ര വീര്യം
 ചാർത്തി ആസുര താളത്തിൽ
ദാരികാ നിഗ്രഹം വരുത്തുവാനായ് 
ആർത്തലച്ചാടുന്ന ദേവീ !ഭദ്രേ കാളീ
തെള്ളിയും പുറപ്പാടുമായ് തീപ്പന്ത -
ങ്ങളേന്തി നിശയുടെയന്ത്യ യാമങ്ങളിൽ
രുധിര വക്ത്രയായ് മൂവ്വുലകവും 
വലംവച്ചാഴിയും ആതിരയും കുടിച്ചു 
വറ്റിക്കുമഗ്നിയായാളുന്നു ക്ഷേത്രാങ്കണേ
രൗദ്ര ദേവീ ! മഹാകാളീ ഭദ്രേ !

 തടുത്തില്ലേലിതു , ബ്രഹ്മാണ്ഡ പതനം 
അടങ്ങുന്നില്ലേലിതു , സർവനാശകരം
പാരം വിറച്ചു ഭൂലോകവും തരിച്ചൂ
മൂലോകവും രക്ഷിപ്പതിനായ് 
പരമേശ്വരൻ പരൻ താതൻ പാരിന്നധിപതി
വഴിയും തടഞ്ഞിതു മദ്ധ്യേ കിടപ്പതായ്
അരുത് ! താതനെ വകഞ്ഞു വയ്ക്കരുത്
തൻ പാദം പിൻ വലിച്ചു തിരിഞ്ഞു
രൗദ്രം കുടഞ്ഞെറിഞ്ഞു ഉഗ്രവീര്യം 
കുടിച്ചിറക്കി നമിച്ചു താതനെ ദേവിയും .

ശാന്തം സൗമ്യം പല്ലവം പൊഴിച്ചു മധുചന്ദ്രികയായ് 
നീലാഞ്ജനമെഴുതിയ മിഴികളിൽ
സുസ്മിതം ചാർത്തി സുന്ദര വദനേ !ദേവീ
കുങ്കുമം തൂകിയ പുലർവേളയിൽ
മംഗളസ്വരൂപിണിയായ് എഴുന്നള്ളും 
ദേവീ ഭഗവതീ പാലയ്ക്കാട്ടു കാവിലമ്മേ !
വന്ദനം വന്ദനം !ഉഷസ്സിൻ നിവേദ്യം പുൽകി പുൽകി
ആലും കുളവും മന്ദമാരുതനിൽ 
പരിലസിച്ചു നിൽക്കേയന്തിമാന 
ചോപ്പും കതിരവനും കടന്നെത്തും കാത്തു
പടിഞ്ഞാറു ദർശനം ചെയ്യും കാവിലമ്മേ !

 ഹരിതാഭയിൽ ചാഞ്ചാടി നല്ലിളം നെല്ലിൻ 
 കതിർക്കുല കണികണ്ടുണരും ദേവീ മഹാമായേ 
അന്നപൂർണ്ണേശ്വരീ ഭഗവതീ 
നായത്തോടിൻ ഗ്രാമലക്ഷ്മീ നമോ നമ ഃ
 സ്നേഹപൂർവം സ്നേഹിത 
 മായ ബാലകൃഷ്ണൻ
മാർച്ച് 2016 

Comments

Post a Comment

Popular posts from this blog

വാഴക്കുല യ്ക്ക് 80 വയസ്സ്

-
Image
  വാഴക്കുല ക്കു 80  വയസ്സ്  =============  ചങ്ങമ്പുഴ കാലഘട്ടത്തോട് കലഹിക്കുന്ന , അടിമ ഉടമ, ജന്മി കുടിയാൻ   സമ്പ്രദായവും ഉച്ചനീചത്വവും നിലനില്ക്കേ,വിശപ്പിനോട് പൊരുതിയ ഒരു സമൂഹവും പ്രതിപാദ്യമായ് 1937 ഇൽ  ചങ്ങമ്പുഴ രചിച്ച അതിപ്രശസ്തമായ വാഴക്കുല എന്ന കൃതി പിറന്നിട്ട് ഏതാണ്ട് 80 വർഷമാകുന്നു!  സമൂഹത്തിൽ ചലനങ്ങൾ സൃഷ്ടിക്കാൻ പോന്ന , ഒരു തലമുറയ്ക്കു മുഴുവനും വിപ്ലവോർജ്ജം പകർന്ന കവിതയാണു.ഇത്.  തോൽക്കുന്നവന്റെ, പുറംതള്ളപ്പെടുന്നവന്റെ  മനഃസാക്ഷിക്കൊപ്പം നിന്ന കവിത ,അതുകൊണ്ടുതന്നെ കാലത്തെ അതിജീവിക്കാൻ പോന്ന കവിതയായി ഇന്നും വാഴക്കുലയെ കാണാം!   ഭാഷയും ലളിതപദങ്ങളും അഞ്ചിക്കുഴഞ്ഞുലഞ്ഞാടി കാവ്യനർത്തകി ലയലാസ്യനൃത്തം വച്ച തൂലികയിൽ നിന്നും ആ സൗന്ദര്യം ഒട്ടുംചോരാതെയാണു കാലത്തോടു പൊരുതുന്ന ,വെല്ലുവിളിക്കുന്ന , വാഴക്കുല പോലൊരു കൃതി കവി രചിച്ചിരിക്കുന്നത്.  മരതകക്കൂമ്പു പൊടിച്ചുവന്ന പോലെയാണു മനതാരിലോരോരോ   ആശകൾ എന്നതിൽ  , ആ 'മരതകക്കൂമ്പു ' എന്നതു എത്ര സുന്ദരപദമാണു!!  സുന്ദരോപമയാണു ! മലയപ്പുലയന്റേയും കുടുംബത്തിന്റെയു...
Read more

കൃഷ്ണ കവിത

-
Image
                          എന്നും കാണുവാന്‍ .......... എന്നും കാണുവാന്‍ മോഹിക്കുന്നൊരു രൂപമുണ്ടെന്നിലുണ്ണിക്കണ്ണാ ..... മോദമോടുമാനന്ദമോടുമെന്‍ മനതാരിലെന്നും മിഴിപ്പൂ കണ്ണാ ........! ഗോപിക്കുറിയണിഞ്ഞും പൊന്നോടക്കുഴലൊന്നുമൂതി  മേടുകള്‍ തോറും പാടി നടന്നോരുണ്ണീ...! നെറുകയില്‍ തിരുകിയ മയില്‍പ്പീലിയോടും മാമ്പൂ മണക്കും കാര്‍ - മുകില്‍ ചേലോടും മഞ്ഞത്തിരുവാടയൊ- ന്നരയില്‍ വലിച്ചു ചുറ്റി പൊന്നരളിക്കാടും ചെന്തൊണ്ടിയും  തേനില വള്ളികളും , ഒന്നൊന്നോടു കെട്ടിപ്പിണഞ്ഞും കൂട്ടുകാരൊത്തു കെട്ടിമറിഞ്ഞും ബാല്യം നുണഞ്ഞോരുണ്ണീ.....! പൊന്‍   കതിര്‍ക്കുല   പോലെ കാറ്റോലും   കാമിനി പോലും കാളിന്ദിയാറ്റില്‍ കളിയാടും രാധിക പോല്‍ ; പൊന്‍ വസന്തം തളിര്‍ത്തു നീളെ നീളേ മേട്ടിലാകെ . പാല്‍ ചുരത്തി വെണ്ണിലാവൊപ്പം പാല്‍ക്കുടങ്ങള്‍ നിറച്ചൂ ധേനുവും. മാനോടും മാഞ്ചുവട്ടില്‍ പൂന്തേനും തേന്‍ കിളികളും   കളിയൂഞ്ഞാലില്‍ പൂപ്പന്തലു കെട്ടി കണ്ണനാമുണ്ണിക്കു ...
Read more

സൗഹൃദം ! സുകൃതം !!

-
Image
സൗഹൃദങ്ങള്‍ സുകൃതമാകണം ! ജീവിത അദ്ധ്യായത്തില്‍ നിന്ന് പറിച്ചെടുത്ത ഒരേടാണിത്  ! ഇന്നെനിക്ക്  ഒത്തിരി സൗഹൃദങ്ങള്‍ ഉണ്ട് . എങ്കിൽ തന്നെയും  എന്‍റെ ജീവിതത്തിന്‍റെ തന്നെ ഭാഗമായി ,ബാല്യ കൗമാര ,യൗവനങ്ങളെ പുണർന്ന് , സ്നേഹ ഗംഗയായി ഒഴുകിയ ഒരു  അസുലഭ സൗഹൃദത്തിനു ഭാഗ്യം സിദ്ധിച്ചവളാണു ഞാൻ ! ചില സൗഹൃദങ്ങള്‍ അങ്ങനെയാണ് .അവ മുറിഞ്ഞു പോകുന്നത് നമുക്ക് സങ്കല്‍പ്പിക്കാനേ കഴിയില്ല .തായ് വേരു പോലെ നമ്മെ പിടിച്ചു നിറുത്തുന്നവയായിരിക്കും .            നാലു വയസ്സില്‍ തുടങ്ങി   ഇന്നും അതിരുകളില്ലാതെ ,അതിര്‍വരമ്പുകളില്ലാതെ ഒഴുകുന്ന സൗഹൃദമാണ് ഞങ്ങളുടെത് . ആശാന്‍ പള്ളിക്കൂടത്തിലേക്ക് പാട വരമ്പിലൂടെ മുന്നില്‍ പിന്നില്‍ പോകുമ്പോള്‍  തിരിഞ്ഞു നോക്കി,തിരിഞ്ഞു നോക്കി  ചിരിച്ചു കാട്ടി , ആ വരമ്പില്‍ കുത്തിയിരുന്ന് ചെളി വെള്ളത്തില്‍ കയ്യിട്ടു പൊടി മീനുകളെ തപ്പിപിടിച്ച്‌, ആ മുറ്റത്തെ പച്ചപ്പുല്ലില്‍ തുള്ളിച്ചാടി, കൈമാറി തുടങ്ങിയ സൗഹൃദം , പിന്നീട് ,ആദ്യമായി ഒന്നാം ക്ലാസ്സ് മുറിയുടെ വാതിക്കല്‍ പരിഭ്രമിച്ച് നില്‍ക്കുമ്പോള്‍, കുട്ടികളുടെ ഇടയില്‍ നിന്നും ചി...
Read more