ഈറന്‍ സന്ധ്യകള്‍

-

·                         ഈറന്‍ സന്ധ്യകള്‍.....
·      

·                            ഈ സന്ധ്യകളില്‍  
·                     ഈ സന്ധ്യാംബരത്തില്‍
·                        എന്റെ പ്രണയം
·                                പൂക്കുന്നു !

          ഈ സന്ധ്യകളില്‍
             ഈ സന്ധ്യാംബരത്തില്‍
                എന്റെ പ്രണയം
                   എരിയുന്നു !

       ഈ സന്ധ്യകളില്‍
            ഈ പ്രദക്ഷിണ വഴികളില്‍
              എന്റെ പ്രണയം
                     അലയുന്നു !

          ഈ സന്ധ്യകളില്‍
            മിടിക്കും ആലിലച്ചാര്‍ത്തുകളില്‍
              എന്റെ പ്രണയം
                 ഉലയുന്നു !

           ഈ സന്ധ്യകളില്‍
             നിറയും തുളസിക്കതിര്‍ മാലകളില്‍
              എന്റെ പ്രണയം
                     കൊരുക്കുന്നു !

             ഈ സന്ധ്യകളില്‍
              ഈ നിറദീപങ്ങള്‍ക്ക് മുന്നില്‍
                  എന്റെ പ്രണയം
                      കണ്‍ തുറക്കുന്നു !

       ഈ സന്ധ്യകളില്‍
         ഈ കര്‍പ്പൂര ഗന്ധത്തില്‍
            എന്റെ പ്രണയം
                  അലിയുന്നു !

       ഈ സന്ധ്യകളില്‍
         ഈ സോപാന തിരുനടയില്‍
                എന്റെ പ്രണയം
                    ഉരുകിയൊലിക്കുന്നു !

       ഈ സന്ധ്യകളില്‍
            നെറ്റിയിലണിയും തൊടു
              ചന്ദനക്കുറിയില്‍
                എന്റെ പ്രണയം
                     കുളിരണിയുന്നു !


           ഈ സന്ധ്യകളില്‍
                  ഈ സന്ധ്യാംബരത്തില്‍
              എന്റെ പ്രണയം
                  സിന്ദൂരമണിയുന്നു !


           ഈ സന്ധ്യകളില്‍
              തഴുകും കുളിര്‍കാറ്റില്‍
               എന്റെ പ്രണയം
                 എന്നെ പുണരുന്നു !

         ഈ സന്ധ്യകളില്‍
              ഈ സന്ധ്യാംബരത്തില്‍
                 എന്‍റെ  പ്രണയം
                    പൂത്തുലയുന്നു !!

           ഈ സന്ധ്യകളില്‍
             ഈ സന്ധ്യാംബരത്തില്‍
                 എന്‍റെ  പ്രണയം
                   എരിയുന്നു  !!

സ്നേഹപൂര്‍വം സ്നേഹിത 
·        

…..മായ ബാലകൃഷ്ണന്‍ ........

Comments

  1. സ്നേഹപൂർവ്വം സ്നേഹിത 19 November 2014 at 22:29

    സന്ധ്യാ വേളയിലെ ക്ഷേത്ര ദര്ശനങ്ങളോടുള്ളതാണ് എന്റെയയീ പ്രണയം .അത് ഇന്നും സന്ധ്യകളില്‍ പൂത്തുലയുകയും സന്ധ്യ എരിഞ്ഞടങ്ങുന്ന അതേ വികാരത്തോടെ,എന്നില്‍ എരിയുകയും ചെയ്ത ഏതോ നിമിഷത്തില്‍ പിറന്നു വീണ ഒന്ന് !!

    ReplyDelete

Post a Comment

Popular posts from this blog

വാഴക്കുല യ്ക്ക് 80 വയസ്സ്

-
Image
  വാഴക്കുല ക്കു 80  വയസ്സ്  =============  ചങ്ങമ്പുഴ കാലഘട്ടത്തോട് കലഹിക്കുന്ന , അടിമ ഉടമ, ജന്മി കുടിയാൻ   സമ്പ്രദായവും ഉച്ചനീചത്വവും നിലനില്ക്കേ,വിശപ്പിനോട് പൊരുതിയ ഒരു സമൂഹവും പ്രതിപാദ്യമായ് 1937 ഇൽ  ചങ്ങമ്പുഴ രചിച്ച അതിപ്രശസ്തമായ വാഴക്കുല എന്ന കൃതി പിറന്നിട്ട് ഏതാണ്ട് 80 വർഷമാകുന്നു!  സമൂഹത്തിൽ ചലനങ്ങൾ സൃഷ്ടിക്കാൻ പോന്ന , ഒരു തലമുറയ്ക്കു മുഴുവനും വിപ്ലവോർജ്ജം പകർന്ന കവിതയാണു.ഇത്.  തോൽക്കുന്നവന്റെ, പുറംതള്ളപ്പെടുന്നവന്റെ  മനഃസാക്ഷിക്കൊപ്പം നിന്ന കവിത ,അതുകൊണ്ടുതന്നെ കാലത്തെ അതിജീവിക്കാൻ പോന്ന കവിതയായി ഇന്നും വാഴക്കുലയെ കാണാം!   ഭാഷയും ലളിതപദങ്ങളും അഞ്ചിക്കുഴഞ്ഞുലഞ്ഞാടി കാവ്യനർത്തകി ലയലാസ്യനൃത്തം വച്ച തൂലികയിൽ നിന്നും ആ സൗന്ദര്യം ഒട്ടുംചോരാതെയാണു കാലത്തോടു പൊരുതുന്ന ,വെല്ലുവിളിക്കുന്ന , വാഴക്കുല പോലൊരു കൃതി കവി രചിച്ചിരിക്കുന്നത്.  മരതകക്കൂമ്പു പൊടിച്ചുവന്ന പോലെയാണു മനതാരിലോരോരോ   ആശകൾ എന്നതിൽ  , ആ 'മരതകക്കൂമ്പു ' എന്നതു എത്ര സുന്ദരപദമാണു!!  സുന്ദരോപമയാണു ! മലയപ്പുലയന്റേയും കുടുംബത്തിന്റെയു...
Read more

കൃഷ്ണ കവിത

-
Image
                          എന്നും കാണുവാന്‍ .......... എന്നും കാണുവാന്‍ മോഹിക്കുന്നൊരു രൂപമുണ്ടെന്നിലുണ്ണിക്കണ്ണാ ..... മോദമോടുമാനന്ദമോടുമെന്‍ മനതാരിലെന്നും മിഴിപ്പൂ കണ്ണാ ........! ഗോപിക്കുറിയണിഞ്ഞും പൊന്നോടക്കുഴലൊന്നുമൂതി  മേടുകള്‍ തോറും പാടി നടന്നോരുണ്ണീ...! നെറുകയില്‍ തിരുകിയ മയില്‍പ്പീലിയോടും മാമ്പൂ മണക്കും കാര്‍ - മുകില്‍ ചേലോടും മഞ്ഞത്തിരുവാടയൊ- ന്നരയില്‍ വലിച്ചു ചുറ്റി പൊന്നരളിക്കാടും ചെന്തൊണ്ടിയും  തേനില വള്ളികളും , ഒന്നൊന്നോടു കെട്ടിപ്പിണഞ്ഞും കൂട്ടുകാരൊത്തു കെട്ടിമറിഞ്ഞും ബാല്യം നുണഞ്ഞോരുണ്ണീ.....! പൊന്‍   കതിര്‍ക്കുല   പോലെ കാറ്റോലും   കാമിനി പോലും കാളിന്ദിയാറ്റില്‍ കളിയാടും രാധിക പോല്‍ ; പൊന്‍ വസന്തം തളിര്‍ത്തു നീളെ നീളേ മേട്ടിലാകെ . പാല്‍ ചുരത്തി വെണ്ണിലാവൊപ്പം പാല്‍ക്കുടങ്ങള്‍ നിറച്ചൂ ധേനുവും. മാനോടും മാഞ്ചുവട്ടില്‍ പൂന്തേനും തേന്‍ കിളികളും   കളിയൂഞ്ഞാലില്‍ പൂപ്പന്തലു കെട്ടി കണ്ണനാമുണ്ണിക്കു ...
Read more

സൗഹൃദം ! സുകൃതം !!

-
Image
സൗഹൃദങ്ങള്‍ സുകൃതമാകണം ! ജീവിത അദ്ധ്യായത്തില്‍ നിന്ന് പറിച്ചെടുത്ത ഒരേടാണിത്  ! ഇന്നെനിക്ക്  ഒത്തിരി സൗഹൃദങ്ങള്‍ ഉണ്ട് . എങ്കിൽ തന്നെയും  എന്‍റെ ജീവിതത്തിന്‍റെ തന്നെ ഭാഗമായി ,ബാല്യ കൗമാര ,യൗവനങ്ങളെ പുണർന്ന് , സ്നേഹ ഗംഗയായി ഒഴുകിയ ഒരു  അസുലഭ സൗഹൃദത്തിനു ഭാഗ്യം സിദ്ധിച്ചവളാണു ഞാൻ ! ചില സൗഹൃദങ്ങള്‍ അങ്ങനെയാണ് .അവ മുറിഞ്ഞു പോകുന്നത് നമുക്ക് സങ്കല്‍പ്പിക്കാനേ കഴിയില്ല .തായ് വേരു പോലെ നമ്മെ പിടിച്ചു നിറുത്തുന്നവയായിരിക്കും .            നാലു വയസ്സില്‍ തുടങ്ങി   ഇന്നും അതിരുകളില്ലാതെ ,അതിര്‍വരമ്പുകളില്ലാതെ ഒഴുകുന്ന സൗഹൃദമാണ് ഞങ്ങളുടെത് . ആശാന്‍ പള്ളിക്കൂടത്തിലേക്ക് പാട വരമ്പിലൂടെ മുന്നില്‍ പിന്നില്‍ പോകുമ്പോള്‍  തിരിഞ്ഞു നോക്കി,തിരിഞ്ഞു നോക്കി  ചിരിച്ചു കാട്ടി , ആ വരമ്പില്‍ കുത്തിയിരുന്ന് ചെളി വെള്ളത്തില്‍ കയ്യിട്ടു പൊടി മീനുകളെ തപ്പിപിടിച്ച്‌, ആ മുറ്റത്തെ പച്ചപ്പുല്ലില്‍ തുള്ളിച്ചാടി, കൈമാറി തുടങ്ങിയ സൗഹൃദം , പിന്നീട് ,ആദ്യമായി ഒന്നാം ക്ലാസ്സ് മുറിയുടെ വാതിക്കല്‍ പരിഭ്രമിച്ച് നില്‍ക്കുമ്പോള്‍, കുട്ടികളുടെ ഇടയില്‍ നിന്നും ചി...
Read more