സ്നേഹപൂർവ്വം സ്നേഹിത

മാനസികാരോഗ്യം   =========  വ്യക്തി , കുടുംബം , ജീവിതം ,സമൂഹം .  പ്രസിദ്ധമായൊരു ഇംഗ്ലീഷ് ചൊല്ലുണ്ട് .  " If wealth is gone , nothing is gone  If health is gone ,something is gone  If charector is gone everything is gone "   അതായത് സമ്പത്ത് നഷ്ടമായാൽ ഒന്നും നഷ്ടമായിട്ടില്ല ,ആരോഗ്യം നഷ്ടമായാൽ,ചിലതെല്ലാം നഷ്ടമായി ,  എന്നാൽ സ്വഭാവം നഷ്ടമായാൽ എല്ലാം നഷ്ടമായി എന്നാണ് .  ആരോഗ്യമുള്ള ശരീരത്തിലല്ല , ആരോഗ്യമുള്ള മനസ്സിലാണു ഒരു നല്ല വ്യക്തി രൂപംകൊള്ളുന്നത്.  അതായത് നല്ല സ്വഭാവം കാഴ്ച്ചവയ്ക്കണമെങ്കിൽ നല്ല ആരോഗ്യമുള്ള മനസ്സു ഉണ്ടാവണം. മനസ്സ് തളരാത്തിടത്തോളം ഒരു ശാരീരിക പരിമിതിയോ വൈകല്യമോ ഒരാളെ ബാധിക്കില്ല എന്നാണ് . വിശ്രുത ശാസ്ത്രജ്ഞനായ സ്റ്റീഫൻ ഹോക്കിങ്സ് നെ അറിയില്ലേ...മസിൽസിനെ ബാധിക്കുന്ന മസ്കുലാർ ഡിസ്ട്രോഫി എന്ന അപൂർവ്വരോഗം ബാധിച്ച്  ,ഒന്നു ചലിക്കാനാവാതിരുന്നിട്ടും  അദ്ദേഹം എത്രയോ വർഷത്തെ ദീർഘമായ രോഗകാലത്തിനിടയിലും അത്ഭുതകരമായ കണ്ടുപിടിത്തങ്ങൾക്ക് അവകാശിയായി . " when there is a  will ,there is a way "   ...

ഡിസംബർ 3  ലോകഭിന്നശേഷി ദിനം . ' നിറവ് ' 2017  ========================  പ്രഭാഷണത്തിൽ നിന്ന്! സംഘാടകരെ അഭിനന്ദിച്ചുകൊണ്ടാണു സംസാരം തുടങ്ങിയത്! എന്തുകൊണ്ടും വളരെ പ്രത്യേകതകൾ ഉള്ള കുട്ടികൾ. അവരും നാളത്തെ പൗരന്മാരായി വളർന്നുവരേണ്ടവർ .അവരെ പ്രത്യേക  പരിഗണനയും കരുതലും നൽകി ആത്മവിശ്വാസമുള്ളവാരാക്കി തീർത്ത് സമൂഹത്തിന്റെ ഭാഗമാക്കി ചേർത്തു നിർത്താൻ നടത്തുന്ന ശ്രമമായിരുന്നല്ലോ അത് . ആ കുട്ടികളോടും മാതാപിതാക്കളോടും  സംസാരിക്കാനും സ്നേഹം പങ്കിടാനും പ്രത്യേക താല്പര്യമുണ്ടായിരുന്നു. സംസാരാരംഭത്തിൽ അതിനു അവസരമൊരുക്കിയവരോട് പ്രത്യേകം നന്ദി രേഖപ്പെടുത്തി . ഞാൻ ആ പരിപാടിയിൽ പങ്കെടുക്കണം എന്നത് എന്തുകൊണ്ടും മാതൃകാപരമെന്ന് എന്റെ സഹോദരനും തോന്നിയതുകൊണ്ടാണു സ്വല്പം ബുദ്ധിമുട്ടെങ്കിലും  എന്നെ കൊണ്ടുപോയത്! ഞങ്ങളെപ്പോലുള്ളവരെ ഏറ്റവും അടുത്ത് നിന്നും കണ്ടും പരിപാലിച്ചും നന്നായി അറിയുന്ന ചേട്ടനും താല്പര്യം തോന്നിയില്ലെങ്കിലേ അത്ഭുതമുള്ളൂ.  ഇവിടെ കൂടിയിരിക്കുന്ന  നമ്മളൊക്കെ ഒരേപോലെ ജീവിതത്തിന്റെ കയ്പ്പും ചവർപ്പും നുണഞ്ഞവരാണു.ഇവിടെ കുട്ടികൾ മാത്രമല്ല അവരുൾപ്പെടുന്ന ക...

ഡിസംബർ 3  ലോകഭിന്നശേഷി ദിനം . ' നിറവ് ' 2017  ======================== ഡിസംബർ 3 ലോകഭിന്നശേഷി ദിനത്തോടനുബന്ധിച്ച് അങ്കമാലി ബ്ലോക് റിസോഴ്സ് സെന്ററും സർവ്വശിക്ഷ അഭിയാനും ,അങ്കമാലി, കറുകുറ്റി ഗ്രാമപ്പഞ്ചായത്തിന്റെ നേതൃത്വത്തിൽ നടത്തിയ നിറവ് 2017 എന്ന പ്രോഗ്രാമിൽ പങ്കെടുക്കുവാൻ  എനിക്കും അവസരം ലഭിക്കുകയുണ്ടായി. അങ്കമാലി ബ്ലോക് പഞ്ചായത്തിനു കീഴിലുള്ള വിവിധ സ്കൂളുകളിലെ തിരഞ്ഞെടുത്ത 150 ഓളം കുട്ടികളും അവരുടെ പേരന്റ്സും സ്പെഷൽ സ്കൂൾ ടീച്ചേഴ്സ് , ട്രെയിനേഴ്സ് ,അങ്കമാലി  എം എൽ എ റോജി എം ജോൺ , അങ്കമാലി എ ഇ ഒ , മറ്റു പഞ്ചായത്തു തല ഭരണാധികാരികൾ എന്നിങ്ങനെ വലിയൊരു വേദിയും സദസ്സുമായിരുന്നു അത്! മറ്റു കുട്ടികളിൽ നിന്നും ഭിന്നമായി കഠിന ശ്രമത്തിലൂടെയും  ക്ഷമയോടെയും ഏതുകാര്യവും ,പഠനവും കളിയുമുൾപ്പടെ ഏവർക്കുമൊപ്പമെത്താൻ   ഊതിക്കാച്ചിയ തളരാത്ത മനസ്സുള്ളവരാണു ഈ കുട്ടികൾ. അവരെ വികലാംഗരെന്നും മറ്റും വിളിച്ച് തരം താഴ്ത്തുന്ന വിളികൾ നിറുത്തേണ്ട കാലംകഴിഞ്ഞു! മറ്റാരേക്കാളും സമൂഹത്തിൽ ആർക്കുമൊപ്പമെത്താൻ ഇവർക്കും കഴിയും  .ഈയൊരവസരത്തിൽ അവരോട് രണ്ട് വാക്ക് സംസാരിക്കാൻ സംഘാടകർ എ...

ഫാസിസത്തിനെതിരേ... ================ 27/11/2017 നായത്തോട്  ഫാസിസത്തിനെതിരെ എന്ന സാംസ്കാരിക കൂട്ടായമയുടെ ഉദ്ദേശ്യലക്ഷ്യങ്ങൾ എന്തെന്നറിയുന്നതു കൊണ്ടാണ് ഞാനതിൽ പങ്കെടുത്തത്.ശ്രീ പ്രിയനന്ദൻ സർ ,ഡോക്ടർ സി രാവുണ്ണി , ഏങ്ങണ്ടിയൂർ ചന്ദ്രശേഖരൻ , സിന്ധു ദിവാകരൻ ,സോബിൻ മഴവില്ല് , കെ കെ കുമാരൻ ,തുടങ്ങീ കലാസാഹിത്യരംഗത്തെ പ്രമുഖർക്കൊപ്പം ഒരു വേദി പങ്കിടുക ,നല്ലൊരനുഭവം കൂടിയായിരുന്നുവത്! രാജ്യം ഇന്ന് അതിസങ്കീർണ്ണമായ ഒരു കാലഘട്ടത്തിലൂടെയാണു കടന്നുപോകുന്നത്.ആവിഷ്കാര സ്വാതന്ത്ര്യത്തിനും ഇഷ്ട ഭക്ഷണത്തിനും  മേൽ വരെ അധികാരത്തിന്റെ കറുത്ത കൈ വീണിരിക്കുകയാണ്  .സ്വാതന്ത്ര്യം എന്നതിനു ജീവശ്വാസത്തോളം വിലയുണ്ട് .ഇവിടെ ചെറുത്തു നില്പിന്റെ ഒരുതരി ശബ്ദമെങ്കിലും പുറപ്പെടുവിക്കാൻ നമുക്കേവർക്കും കഴിയണം! രാഷ്ട്രത്തോടും സമൂഹത്തോടും നമുക്കേവർക്കും ഒരു പ്രതിബദ്ധത വേണം!   എഴുത്തിന്റെ തട്ടകത്തിൽ നിൽക്കുമ്പോൾ എനിക്കും ആ ഒരു പ്രതിബദ്ധത നിറവേറ്റാനുണ്ട്.!  വളരെ വിശാലമായ ആർഷ ഭാരത സംസ്കൃതിയിൽ  ഊറ്റംകൊള്ളുന്നവർ എടുത്തണിഞ്ഞിരിക്കുന്ന രാക്ഷസീയ നീതിയാണു ഇവിടെയെങ്ങും നിറയുന്നത്. എന്താ...

പുസ്തക പ്രകാശനവേദിയിലെ ചില ദൃശ്യങ്ങൾ...... അമ്മയും അമ്മ ഭാരതി തമ്പുരാട്ടിയും ചേർന്ന് ഭദ്രദീപം തെളിക്കുന്നു! ഉണ്ണിമായ മഹാകവി ജി യുടെ ഭൃംഗഗീതി എന്ന കൃതി ആലപിക്കുന്നു! ഡോക്ടർ സ്മിത വയലാറിന്റ്റെ " എന്റെ ദന്തഗോപുരത്തിലേക്ക് ഒരു ക്ഷണക്കത്ത്"എന്ന കൃതി ആലപിക്കുന്നു! സംഘാടകർക്കൊപ്പം ശരത് സർ അമ്മ ശ്രീ ഷാജി യോഹന്നാൻ സ്വാഗതം നാടിന്റെ ആദരം സമർപ്പിക്കുന്നു ! അമ്മ ഭാരതി തമ്പുരാട്ടിക്കും നാടിന്റെ ആദരവ് ! തുളസി കേരളശ്ശേരി സ്മരണീയം ആലപിക്കുന്നു! ഗോവിന്ദൻ മാഷിനു ആദരവ് നൽകിയപ്പോൾ ! അമ്മയുടെ ആദരവ് ഏറ്റുവാങ്ങി.....ഞാനും!

26 -11 -2017 ന്റെ പരിസമാപ്തിയിലേക്ക്... സുഹൃത്തുക്കളെയൊക്കെ കൺനിറയെ കണ്ടും സംസാരിച്ചും ഫോട്ടോയെടുത്തും അവരിലൊരാളായി തീരണമെന്നും കരുതി!  3 മണിക്കു മുൻപ് ഡ്രെസ് ചെയ്ത് വീട്ടിൽ നിന്ന് സ്കൂളിലേക്ക് ഇറങ്ങും മുൻപ് ഉള്ളവരെയൊക്കെ ചേർത്ത് ഫോട്ടോയെടുക്കാനായി തയ്യാറായി .മിനി സുരേഷിന്റെ മോൻ മഹി വീട്ടിലിരുന്ന കാമറയിൽ എല്ലാവരെയും പകർത്താനും റെഡിയായി നിന്നു. ആ സമയം  ആദ്യം എത്തിയ ഡോക്ടർ ജെറിയും ഗ്രൂപ്പും ,പാലക്കാട് ഗ്രൂപ്പും എത്തിയപ്പോൾ മുറിയിലുണ്ടായിരുന്ന മനോജും പ്രശാന്തും പ്രിയേച്ചിയും പ്രിയ ഉദയനും പുറത്തേക്കിറങ്ങിയതു എന്റെ ശ്രദ്ധയിൽ പെട്ടിരുന്നില്ല !  ആലുവയിൽ നിന്നും സുഹറ ഇത്തയും വന്നെത്തി. അങ്ങനെ പാലക്കാട് സംഘത്തിൽ ഇന്ദുലേഖ ചേച്ചി , തുളസി ടീച്ചർ ,മുരളീധരൻ പട്ടാമ്പി ,തനോജേട്ടൻ, ബാബേട്ടൻ എന്ന  സുരേഷ് ബാബുവേട്ടൻ ,രാധ പത്മകുമാർ എല്ലാവരും നിരന്നു ! വീണ്ടും ഡോക്ടർ ജെറി , ഷൈനി, ഉണ്ണിമോൾ ,ഷീന സാബു ഇവരുമൊപ്പം ഒരു ക്ലിക്,!അപ്പൊ അതാ തത്ത്വമസിയുടെ പ്രിയ കളവൂർ രാമേട്ടനും ഭാഗവതരും ,അങ്ങനെ പറഞ്ഞാൽ തത്ത്വമസിക്കാർ അല്ലാത്തവർ അറിഞ്ഞെന്നു വരില്ലാ....സാക്ഷാൽ സുധാകരൻ വടക്കാഞ്ചേരി ...